Privacy Policy :

ನಾವು ಸಾಕಷ್ಟು ಸಮಯದಿಂದ ಶಿಕ್ಷಣ ಕ್ಷೇತ್ರದಲ್ಲಿ ತೊಡಗಿಸಿಕೊಂಡವರು.

ನಾವು ನಮ್ಮ ವ್ಯವಸ್ಥೆಯಲ್ಲಿ ಸಮಾನ ಶಿಕ್ಷಣ ಸೌಲಭ್ಯದ ಕೊರತೆಯನ್ನು ಕಂಡುಕೊಂಡವರು ಮತ್ತು ಆ ಕೊರತೆಯನ್ನು ನೀಗಿಸಲು ನಮ್ಮ ಸಾಮರ್ಥ್ಯದನುಸಾರ ಕಾರ್ಯಪ್ರವೃತ್ತರಾಗಿರುವವರು

ಶಿಕ್ಷಣವು ಕಲ್ಪಿಸುವ ಸೌಲಭ್ಯಗಳನ್ನು ಭಾಷೆ ಮತ್ತು ಭೌಗೋಳಿಕ ವ್ಯತ್ಯಾಸಗಳಿಂದಾಗಿ ಸಮರ್ಪಕವಾಗಿ ಮತ್ತು ಸಮವಾಗಿ ಬಳಸಿಕೊಳ್ಳಲಾಗದ ಅಸಹಾಯಕತೆಯನ್ನು ನೋಡಿದವರು ನಾವು.

ಗ್ರಾಮೀಣ ಪ್ರತಿಭೆಗಳು ನಗರಿಕರಣ, ಆಧುನಿಕ ಶಿಕ್ಷಣ ವ್ಯವಸ್ಥೆ, ಜಗಮಗಿಸುವ ಶಾಲಾ-ಕಾಲೇಜುಗಳು,ನಿಷ್ಪ್ರಯೋಜಕ ಶಿಕ್ಷಣ(worthless courses) ಗಳ ನಡುವೆ ದಿಕ್ಕೆಟ್ಟವರಂತೆ ನಿಂತ ಸ್ಥಿತಿಯನ್ನು ನೋಡಿ ಮರುಗಿದವರು.

ಕರ್ನಾಟಕದ ಬ್ಯಾಂಕ್ಗಳುರೈಲ್ವೆ, ಅಂಚೆಮತ್ತಿತ್ತರ ಸಾರ್ವಜನಿಕ ಸೇವೆಯ ಸಂಸ್ಥೆಗಳಲ್ಲೂ ಕನ್ನಡ ಬಾರದ ಜನರು ಕೆಲಸಗಳನ್ನು ಪಡೆದು ಕನ್ನಡವಷ್ಟೇ ಗೊತ್ತಿರುವ ಜನಗಳೊಡನೆ ಸಂವಹನಗೊಳಿಸಲಾಗದೆ ಪರೆದಾಡುವುದನ್ನು ನೋಡಿದವರು.

ಸಂವಿಧಾನವು ನಮಗೆ ಪ್ರಧಾನ ಮಾಡಿರುವ ಎಲ್ಲಿ ಬೇಕಾದರೂ ಕೆಲಸ ಮಾಡುವ ಮತ್ತು ಜೀವಿಸುವ ಹಕ್ಕನ್ನು ನಮ್ಮ ಕನ್ನಡಿಗರು ಭಾಷೆಗಳನ್ನು ಕಲಿಯಲಾಗದ ಅಸಹಾಯಕತೆಯಿಂದ ಅನ್ಯರಿಗೆ ಸಕಲ ಅವಕಾಶಗಳನ್ನು ಕೈಚೆಲ್ಲಿದ್ದನ್ನ ಅರ್ಥಮಾಡಿಕೊಂಡಿರುವವರು ನಾವು.

ಶಿಕ್ಷಣವೆಂಬುದು, ಸ್ಪರ್ಧೆ ಎಂಬುದು, ಅವಕಾಶವೆಂಬುದು ಕೇವಲ ಉಳ್ಳವರ ಆಸೆ-ಕನಸುಗಳಾಗಿ, ನಮ್ಮಿಂದ ಅವು ಸಾಧ್ಯವೇ ಇಲ್ಲ ಎಂದು ಹತಾಶರಾಗಿ ಕುಳಿತವರನ್ನು ನೋಡಿದವರು ನಾವು.

RTE ಕಾಯ್ದೆಯು ಜಾರಿಗೆ ಬಂದರೂ ಪ್ರತಿಷ್ಠಿತ ಶಾಲೆಗಳಲ್ಲಿ ಪ್ರವೇಶ ಪಡೆದರೂ ಇತರೆ ಮಕ್ಕಳಂತೆ – ಇತರೆ ಪೋಷಕರಂತೆ ಯಾವ ವಿಷಯದಲ್ಲೂ ಸ್ಪರ್ಧಿಸಲಾಗದ ಮಕ್ಕಳು ಮತ್ತು ಪೋಷಕರನ್ನು ನೋಡಿ ಕೊರಗುವವರು ನಾವು.

ಶಾಲಾ – ಕಾಲೇಜುಗಳಲ್ಲಿ ಉತ್ತಮ ಮತ್ತು ಸಮರ್ಥ ಶಿಕ್ಷಕ – ಉಪನ್ಯಾಸಕರ ಕೊರತೆಯನ್ನು ಕಂಡವರು ನಾವು. ಗುರುವಿನಲ್ಲಿ ವಿದ್ಯಾರ್ಥಿಗಳೆಡೆಗೆ ಶ್ರದ್ಧೆಯ, ಪ್ರೀತಿಯ ಕೊರತೆಯನ್ನು ಕಂಡವರು ನಾವು.

ಪ್ರತಿಭೆಗಳಿಗೆ ಅಭಿವ್ಯಕ್ತಿಗೆ ಸೂಕ್ತ ವೇದಿಕೆಯ ಅಭಾವವಿರುವುದನ್ನು ತಿಳಿದು ಸೂಕ್ತ ವೇದಿಕೆ ನೀಡಲು ಸಿದ್ದವಿರುವವರು ನಾವು.

ಸರ್ವ ಅವಕಾಶಗಳನ್ನು ಸರ್ವರ ಮನೆ ಬಾಗಿಲಿಗೆ ತಲುಪಿಸಲಿದ್ದೇವೆ (ಮೊಬೈಲ್ ಮೂಲಕ, ಇಂಟರ್ನೆಟ್ ಮೂಲಕ, ಪುಸ್ತಕಗಳ ಮೂಲಕ, ನಮ್ಮ ಸಂಸ್ಥೆಯ ತರಬೇತಿ ಕೇಂದ್ರಗಳ ಮೂಲಕ)

ಸ್ಪರ್ಧಾ ಪರೀಕ್ಷೆಗಳ ಪರಿಚಯ, ಸೂಚನೆ, ಪ್ರಕಟಣೆ, ಪರೀಕ್ಷೆಗಳನ್ನು ಎದುರಿಸುವ ಬಗೆ, ತಯಾರಿ-ಸಿದ್ಧತೆ ಪಠ್ಯಕ್ರಮ ಮುಂತಾದ ವಿಷಯಗಳ ಬಗೆಗೆ ಸರಳ ಮತ್ತು ಸೂಕ್ತ ಮಾರ್ಗದರ್ಶನವನ್ನು ನಿಮಗೆ ಅರ್ಥವಾಗುವ ರೀತಿಯಲ್ಲಿ ನಿಮ್ಮಲ್ಲಿ ನೀವೂ ಕೂಡ ಪ್ರಯತ್ನಿಸಬಹುದು ಎಂಬ ಹುಮ್ಮಸ್ಸು ಉಂಟಾಗುವ ರೀತಿಯಲ್ಲಿ ಸಾದರಪಡಿಸುತ್ತೇವೆ.

ನಿಮ್ಮ ಯೋಗ್ಯತೆ ಮತ್ತು ಸಾಮರ್ಥ್ಯದ ಅನುಸಾರ ನೀವು ಅವಕಾಶಗಳನ್ನು ಉಪಯೋಗಿಸಿಕೊಳ್ಳಲು ಹಾಗೂ ಸ್ಪರ್ಧಿಸಿ ಜಯಗಳಿಸಲು ಅಗತ್ಯ ಮಾರ್ಗದರ್ಶನ ಮತ್ತು ಪಠ್ಯಕ್ರಮಗಳ ನೆರವು ನೀಡುತ್ತಿದ್ದೇವೆ.

ನಿಮಗೆ ಕಷ್ಟವೆನಿಸುವ ಅನ್ಯಭಾಷೆಯ ಅಥವಾ ಯಾವುದೇ ಪಠ್ಯಕ್ರಮವನ್ನು ಕನ್ನಡಕ್ಕೆ ಭಾಷಾಂತರಿಸಿ ಅಥವಾ ಪಠ್ಯಕ್ರಮವನ್ನು ಸರಳಗೊಳಿಸಿ ನೀವು ಅರ್ಥಮಾಡಿಕೊಂಡು ಅಧ್ಯಯನ ಮಾಡುವಂತೆ ಅವಕಾಶ ಮಾಡಿಕೊಡುತ್ತೇವೆ.

ನೀವು ಓದಲೇಬೇಆದ ಪಠ್ಯಕ್ರಮ, ಗಳಿಸಿಕೊಳ್ಳಲೇಬೇಕಾದ ಜ್ಞಾನ ಮೂಲಗಳನ್ನು, ಲೇಖನಗಳನ್ನು, ವಿಚಾರಧಾರೆಗಳನ್ನು ಭಾಷಾಂತರಿಸಿ, ನಿಮ್ಮ ಕನ್ನಡ ಭಾಷೆಯಲ್ಲಿಯೇ ಓದುವಂತೆ ಮಾಡಿ ರಾಷ್ಟ್ರೀಯ ಮತ್ತು ಅಂತರಾಷ್ಟ್ರೀಯ ಮಟ್ಟದ ಸ್ಪರ್ಧಾತ್ಮಕ ಹಂತಕ್ಕೆ ನಿಮ್ಮನ್ನು ಸಿದ್ದಗೊಳಿಸಲಿದ್ದೇವೆ.

ನಿಮ್ಮನ್ನು ಪ್ರತ್ಯೇಕವಾಗಿ ತಯಾರಿ ನಡೆಸುವಂತೆ ಅನುವು ಮಾಡಿಕೊಟ್ಟು, ಪ್ರತಿ ಹಂತದಲ್ಲೂ ಸಹಕರಿಸಿ, ನಿಮ್ಮ ತಪ್ಪುಗಳನ್ನು ತಿದ್ದಿ, ನಿಮ್ಮ ಪ್ರಯತ್ನಕ್ಕೆ ಪ್ರೋತ್ಸಾಹಿಸಿ, ನಿಮ್ಮ ವೇಗವನ್ನು ವಿಮರ್ಶಿಸಿ, ನಿಮ್ಮನ್ನು ಸಿದ್ದಗೊಳಿಸಿ ಸ್ಪರ್ಧಿಸಲು, ಜಯಗಳಿಸಲು ನಿಮ್ಮ ಜೊತೆಗಿರುತ್ತೇವೆ.

ಜ್ಞಾನವು ಮತ್ತು ಭಾಷೆ ಯಾರ ಅಥವಾ ಯಾವ ಪ್ರಾಂತ್ಯದ ಸೊತ್ತಲ್ಲ. ಹಾಗಾಗಿ ನಿ ಜವಾಗಿ ಕಲಿಕೆಯ ಹಸಿವಿರುವ, ಸಾಧನೆಯ ಗುಂಗಿರುವ ಪ್ರತಿಯೊಬ್ಬರಿಗೂ ನಾವು ಅತ್ಯಂತ ಸಮರ್ಥ ದಾರಿದೀಪವಾಗಿರುತ್ತೇವೆ.

ನೀವು ವಿದ್ಯಾರ್ಥಿಯಾಗಿರಿ, ಸ್ಪರ್ಧಾರ್ಥಿಯಾಗಿರಿ ಅಥವಾ ಜ್ಞಾನಾರ್ಥಿಯಾಗಿರಿ, ಇಲ್ಲ ಕೇವಲ ಕುತೂಹಲಕ್ಕೆ ಓದುವ ಹವ್ಯಾಸ ಬೆಳಸಿಕೊಂಡಿರಿ, ಅಥವಾ ನಿಮ್ಮ ಮಕ್ಕಳಿಗೆ, ಮೊಮ್ಮಕ್ಕಳಿಗೆ, ಸಹೋದರ-ಸಹೋದರಿಯರಿಗೆ ಹೇಳಿಕೊಡುವ ಸಲುವಾಗಿ ಓದುವವರಾಗಿರಿ, ಯಾರೇ ಆಗಿರಿ ನಿಮ್ಮ ನೆರವಿಗೆ, ಸರಳವಾಗಿ, ಸಮರ್ಥವಾಗಿ ಮತ್ತು ಸಮರ್ಪಕವಾಗಿ ‘ಶ್ರೀ ವಾಸುದೇವ ಅಕ್ಷರ ಧಾಮ’,‘ಸ್ವಾಧ್ ಜ್ಞಾನ ಸುಧಾ’ ಪತ್ರಿಕೆಯ ಮೂಲಕ ಸದಾ ಕಾಲ ಸಿದ್ದವಿರುತ್ತದೆ.

ಮತ್ತು ಮುಖ್ಯವಾಗಿ ನೀವು ಮನೆಯಲ್ಲೇ ಕುಳಿತು ಪರೀಕ್ಷೆಗಳಿಗೆ ತಯಾರಾಗಲು, online ಪರೀಕ್ಷೆಗಳ ಮೂಲಕ ನಾವು ಸಹಾಯ ಮಾಡುತ್ತೇವೆ.

ಶಿಕ್ಷಣದ ಅರ್ಥಕ್ಕೆ ಪರಿಪೂರ್ಣತೆ ನೀಡಲು ಶಕ್ತಿ ಮೀರಿ ಪ್ರಯತ್ನಿಸುತ್ತೇವೆ.

ಶಿಕ್ಷಣದ ಮೂಲಕ ಸಿಗುವ ಸೌಲಭ್ಯಗಳು ಸರ್ವರಿಗೂ ಸಮವಾಗಿ ಸಿಗುವಂತೆ ಮಾಡಲು ನಾವು ಶ್ರಮಿಸುತ್ತೇವೆ.

ಭಾಷೆಯು ಅವಕಾಶಗಳ ಸದುಪಯೋಗ ಪಡಿಸುಕೊಳ್ಳುವಿಕೆಯಲ್ಲಿ ಉಂಟು ಮಾಡುವ ತಡೆಯನ್ನು ನಾವು ನಿವಾರಿಸಲಿದ್ದೇವೆ.

ಅಸಹಾಯಕ ಮತ್ತು ಅಶಕ್ತ ವಿದ್ಯಾರ್ಥಿಗಳಿಗೆ, ಪರೀಕ್ಷಾತ್ರಿಗಳಿಗೆ ಪೋಷಕರುಗಳಿಗೆ ಶೈಕ್ಷಣಿಕವಾಗಿ, ಭಾಷಾತಾರತಮ್ಯತೆಯಲ್ಲಿ, ಭೌಗೋಳಿಕವಾಗಿ ಅವಕಾಶ ಮತ್ತು ಸೌಲಭ್ಯಗಳಲ್ಲಿ ಆಗುವ ತೊಡುಕು ತೊಂದರೆಗಳನ್ನು ನಿವಾರಿಸಿಕೊಳ್ಳುವಲ್ಲಿ ನಾವು ಮಾರ್ಗದರ್ಶನ ಮತ್ತು ಸಹಾಯ ಮಾಡಲಿದ್ದೇವೆ.

ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಸಿದ್ಧತೆ ಮಾಡಿಕೊಳ್ಳುವ ಮಾರ್ಗದಲ್ಲಿ ನಾವು ಪರೀಕ್ಷೆಯ ಪಠ್ಯಕ್ರಮವನ್ನು ಕನ್ನಡದಲ್ಲಿ ಸರಳೀಕರಿಸಿ ಅರ್ಥೈಸಲಿದ್ದೇವೆ ?

ಲಭ್ಯವಿರುವ ಅವಕಾಶಗಳ ಮಾಹಿತಿಯನ್ನು ನಿಮ್ಮ ಮುಂದಿಟ್ಟು ಅವಕಾಶಗಳನ್ನು ಉಪಯೋಗಿಸಿಕೊಳ್ಳುವ ಉಪಾಯಗಳನ್ನು ನೀಡಲಿದ್ದೇವೆ.

ನಮ್ಮ ಕರ್ನಾಟಕದ ಸರ್ವ ಸಂಸ್ಥೆಗಳಲ್ಲೂ ನಮ್ಮ ಕನ್ನಡಿಗರೇ ಕೆಲಸಗಿಟ್ಟಿಸಿಕೊಳ್ಳುವ ನಿಟ್ಟಿನಲ್ಲಿ ಉದ್ಯೋಗಾಂಕ್ಷಿಗಳನ್ನು ನಾವು ಸಮರ್ಥಗೊಳಿಸಲಿದ್ದೇವೆ.

ಶಿಕ್ಷಣವೆಂಬುದು, ಸ್ಪರ್ಧೆ ಎಂಬುದು ಮತ್ತು ಜ್ಞಾನದ ಧಾರೆಯು ಸರ್ವರಿಗೂ ಸಮಪಾಲು ಎಂಬ ಮಾತಿಗೆ ನಾವು ದಾರಿಯಾಗಲಿದ್ದೇವೆ.

ಶಿಕ್ಷಣವೆಂಬುದು ಸಾಮರ್ಥ್ಯದ,ಜ್ಞಾನದ ಮತ್ತು ವಿಪುಲ ಅವಕಾಶಗಳ ಮೂಲ ಎಂಬುದನ್ನೂ ಆತ್ಮವಿಶ್ವಾಸದ ಮೂಲವೆಂಬುದನ್ನು ಪ್ರತಿಪಾದಿಸಲಿದ್ದೇವೆ.

ನಮ್ಮ ಎಲ್ಲಾ ಪ್ರಯೋಜನ ಪಡೆಯಲು ಮೊದಲು ನೀವು ನಮ್ಮ ಸದಸ್ಯರಾಗಬೇಕು.

ಸದಸ್ಯತ್ವದ ಶುಲ್ಕದ ವಿವರಗಳನ್ನು ಪ್ರತ್ಯೇಖವಾಗಿ ನೀಡಲಾಗುತ್ತದೆ.

ನಿಮ್ಮ ಮೊಬೈಲ್ ಮತ್ತು ಇಂಟರ್ನೆಟ್, ಕಂಪ್ಯೂಟರ್ ಗಳ ಮೂಲಕ ನೀವು ನಿಮ್ಮ ಆಧ್ಯತೆಯ ತಯಾರಿ ನಡೆಸಬಹುದು

Online ಪರೀಕ್ಷೆಗಳನ್ನು ಪ್ರಾಕ್ಟೀಸ್‌ ಮಾಡಬಹುದು.

ಸ್ಪರ್ಧೆಗಳಲ್ಲಿ ಭಾಗವಹಿಸಿ ಬಹುಮಾನ ಗೆಲ್ಲಬಹುದು

ದೈನಂದಿನ ರಾಜ್ಯ-ರಾಷ್ಟ್ರ-ಅಂತರಾಷ್ಟ್ರೀಯ ಆಗು-ಹೋಗುಗಳ ಬಗೆಗೆ ವಿಚಾರ ತಿಳಿದುಮಂಡಿಸಬಹುದು.

ನಿಮ್ಮ ಅಭಿಪ್ರಾಯ, ವಿಚಾರಧಾರೆಗಳನ್ನು ಅಭಿವ್ಯಕ್ತಿಗೊಳಿಸಬಹುದು.

ನೀವು ನಿಮಗೆ ಬಿಡುವಿಲ್ಲದ ಸಮಯದಲ್ಲೂ ಕೂಡ ನಿಮಗೆ ಸಿಗಬಹುದಾದ ಅವಕಾಶ, ಸೌಲಭ್ಯ ಮತ್ತು ಸ್ಪರ್ಧೆಗಳ ಬಗೆಗೆ ಮಾಹಿತಿ ಪಡೆಯಬಹುದು.

ನಿಮ್ಮ ಅಗತ್ಯಗಳ ಬಗೆಗೆ, ಸಂದೇಹಗಳ ಬಗೆಗೆ ನೀವು ನೇರವಾಗಿ ಉತ್ತರ ಪಡೆಯಬಹುದು.